இதயத்தில் மலரும் பூ காதல்

கண்கள் நான்கும் களவாடி இதயங்கள்
இடம் மாறி துடிக்கும் இதம் தரும்
இனிய ஸ்வரம் காதல் சொல்லிக்
கொள்ளாமலேயே உன் நினைவுகளை
மௌனமாய் இதயம் சுமக்கும்
சுகமான சுமை காதல்
இதயக் கதவை மூடியே வைத்திருந்தாலும்
யாரும் சொல்லாமல் யாருக்கும் சொல்லாமல்
உள்ளே நுழைவது காதல் உடலுக்குள் நுழைந்து
உயிருக்குள் கலந்து உறக்கத்தை உருக்குலைத்து
உணர்வோடு ஒன்றினையும் காதல்

யாரும் அறியா அன்பும் ஆசையுமாய்
உறங்கி கிடந்த மன ஓசைகளை
மெல்ல தட்டி எழுப்பும் மெல் இசை
காதல் உடலுக்குள் எங்கு உயிர் இருக்கிறதோ
உயிருக்குள் எங்கு காதல்
இருக்கின்றதோ இதுவரை யாரும்

அறியாதது காதல் இசையின்
மென்மையாய் இசை பாடி
மனதுள் இரத்த நரம்புகளை வருட
இதயத்தில் மலரும் உயிர் பூ காதல்...